Ärmänstan utnı tuqtatunı ütämi
Humanitar utnı tuqtatunı berençe könennän ük bozğan Ärmänstan ğaskäre 3nçe köndä dä grajdan toraq punktlarına höcüm itärgä däwam itte. Goranboy, Tärtär häm Ağdam töbäkläre tığız ut astına alındı.
Ärmän höcümnärendä xäzergä çaqlı tınıç xalıqtan 41 keşe häläq buldı, 207 keşe yaralandı. Ber meñ 185 öy bombalandı. Ärmän ğaskäre utnı tuqtatuğa qaramastan frontta yuğaltqan urınnarnı kire alu öçen basqın kereşülären yasıy.
Äzärbaycan ğaskäre isä höcümnärgä angajmant qağidäläre nigezendä cawap birä. Azärbaycan saqlanu ministrlığı Ärmänstan armiyasınıñ Ağdärä-Ağdam, Fuzuli-Cäbrail yünäleşendä höcüm omtılışlarınıñ da uñışlı räweştä totqarlanıluın belderde.
Bäreleşlärdä küp sanda ärmän ğaskäriye täêsirsez xälgä kiterelde
Ärmänstannıñ 3 keşesez hawa apparatı da bärep töşerelde.
Ministrlıq yawdan azat itelgän Fuzuli töbägendäge cirlär belän bergä Sukavuşan häm Söläymanlı awıllarınıñ sürätlären kürsätte.
Azärbaycan İlbaşı İlham Aliyev sośial’ media akkauntınnan yasağan belderüendä Gäncä höcüme belän tınıç xalıqnıñ bombalanuın äytte, höcümnärne “Ärmänstannıñ soñğı faşist säyäsäte” bularaq bäyäläde.
Utnı tuqtatunı bozuğa Rusiyä dä reakśiya yasadı. Bozu oçraqların yaqınnan küzätep baruların belderüçe Kreml’ süzçese Mäskäwdä ireşelgän kileşüneñ ütälüen kötülären äytte.
