Törkiyä ministrı töbäk illären berdäm bulırğa öndäde

Törkiyä tışqı êşlär ministrı Xaqan Fidan Törkiyä Böyek Millät Mäcleseneň planlaştıru häm byudjet komissiyäsendä çığış yasadı.

“Xäzergä çaqlı İzrail höcümnärendä yaqınça 12 meň fälästinle ğomeren yuğalttı. Bez mäçetlärne bombalaw belän berniçek tä kileşä almıybız. Daimi tınıçlıq öçen bergä êşläwdä qararıbız nıq. Ğazzägä höcümnärne tuqtatu maqsatınnan İzrailgä basım yasaw öçen töbäk illäreneň berdäm buluı bik möhim. Berdänber çişeleş yulı –1967 nçe yıl çiklärendä Fälästin däwläte tözü”,- dide ministr.

Xaqan Fidan bilgeläp uzğança, İzrail höcümnäre başlanğannan birle Törkiyädän Misırğa 11 oçqıç yärdäm materialı cibärelde, 983 Törkiyä watandaşın êvakuaŝiyäläw êşläre däwam itä,170 watandaş Ğazzädän çığarıldı.