Ärdoğan Qorban ğayete belän qotladı

“Bu möbaräk könnärneñ millätebezgä, islam dön’yasına häm barlıq keşelekkä xäyer kiterüen Xodaydan sorıym”,-dide ul

2153278
Ärdoğan Qorban ğayete belän qotladı

Törkiyä ilbaşı Räcäp Tayyip Ärdoğan böten İslam dön’yasın Qorban ğayete belän täbrik itep videoyullama yasadı. “Bu möbaräk könnärneñ millätebezgä, islam dön’yasına häm barlıq keşelekkä xäyer kiterüen Xodaydan sorıym”,-dide ul.  

Ärdoğan yullamasında İzrail däxşäte astındağı ğazzälelärgä dä möräcäğat’ itte. “Ğazzädä genośidçı İzrailneñ yawızlıqlarına duçar bulğan qardäşlärebezne Qorban ğayete belän çın küñeldän täbrik itäm, ğazaplar çigüçe, zolım häm här kön üterülärgä duçar älege xalıqnıñ tiz arada tınıçlıq, totrıqlılıq häm ışanıçlı moxitkä iyä buluların telim”,-dide ul.  

Ärdoğan Fälästin däwläten tanu öçen zur tırışlıq sarıf itelüen assızıqlap bolay dide: “Sionist çeltärneñ barlıq basımına qaramastan, här platformada xoquq ğadellegen häm tınıçlıq urnaştırunı yaqlıybız, döreslekne äytüdän qurıqmıybız. Balalarnıñ qanına buyalğan İzrail häm anı yaqlawçılarnıñ barlıq barbarlığına qaramastan, ciñü Fälästin xalqınıqı bulaçaq”.



Bäyläneşle xäbärlär