Törkiyä AQŞnı terrorçılarğa yärdäm itmäskä çaqırdı

Törkiyä tışqı êşlär ministrı Xaqan Fidan Amerika Quşma Ştatlarınıñ terrorçı oyışma "YPG" belän bergä êşçänlek alıp barudan tuqtawı kiräklegen Amerikalı wazıyfadaşına köçle räweştä assızıqladı.

Diplomatik çığanaqlardan alınğan mäğ’lümatlarğa qarağanda, Fidan AQŞ däwlät särqatibe Êntoni (Энтони) Blinken belän telefonnan söyläşte. Bu xaqtağı belderüdä bolay diyelä: “Ministr Fidan berlektäş bulğan AQŞnıñ Süriyäneñ tön’yağındağı "YPG" terror oyışması belän bergä êşçänlek alıp barudan tuqtawı kiräklegenä köçle süzlär belän äñgämädäşe Blinkennıñ iğ’tibarın yünältte, Törkiyäneñ Ğıyraq häm Süriyädäge terrorçılıqqa qarşı köräş operaśiyälären täwäkkäl räweştä däwam (oпeрaцияләрeн тәвәккәл рәвeштә дәвaм) itäçägen citkerde”.

Söyläşüdä, monnan tış, ike ministrnıñ NATOnıñ kiñäyü mäs’äläsen qarawları belderelde.

AQŞ däwlät departamentı älege telefon äñgämäse turındağı yazmaça belderüendä Blinkennıñ “Amerika häm Törkiyäneñ terrorçılıqqa qarşı köräştäge maqsatınıñ urtaq” buluın äytüe assızıqlana.

Blinken isä sośial’ (социаль) media akkauntındağı yazmasında bolay di: “Tışqı êşlär ministrı Fidan belän söyläştek. Urtaq maqsatıbız bulğan terrorçı yanawın beterü öçen êşçänleklärebezne koordinaśiyäläw (кooрдинaцияләү) häm bäreleş mömkinlegen kimetüne qaradıq”.