Ärdoğan - Paşinyan söyläşüe

Törkiyä ilbaşı Ärmänstan prem’yer-ministrı belän telefon aşa êlemtägä kerde

2154011
Ärdoğan - Paşinyan söyläşüe

Törkiyä ilbaşı Räcäp Tayyip Ärdoğan Ärmänstan prem’yer-ministrı Nikol Paşinyan belän telefonnan söyläşte.

Paşinyan Ärdoğannı Qorban bäyräme belän, Ärdoğan isä Paşinyannı yaqınlaşıp kilüçe xristian çirkäwe bäyräme belän qotladı.

Ärdoğan küptän tügel Ärmänstannıñ tön’yağında bulğan su basu waqıtında ğomeren yuğaltqan keşelär öçen qayğı urtaqlaştı.

İke lider söyläşü barışında Törkiyä belän Ärmänstan arasındağı mönäsäbätlärne tulısınça cayğa saluğa qağılışlı iradälärenä basım yasadılar.

Alar şulay uq ike ilneñ yuğarı däräcäle räsmiläre arasında däwam itkän dialognıñ möhimlegen assızıqladı, töbäktäge soñğı täräqqiyät’lär häm xalıqara kön tärtibendäge waqıyğalar turında da söyläştelär.



Bäyläneşle xäbärlär