Törkiyä Awrupa parlamentı qararın gäyıpläde

Törkiyä tışqı êşlär ministrlığı Awrupa parlamentı qabul itkän “Azärbaycan höcümennän soñ Tawlı Qarabaxta wazğıyät häm Azärbaycannıñ Ärmänstanğa däwam (дәвам) itüçe yanawları (янаулары)" isemle qarar belän bäyle yazmaça belderü bastırdı.

Awrupa parlamentı qabul itkän şuşı "mäcbüri bulmağan qarar”nıñ "cawapsızlıq, aldan uq yalğış fiker yörtü, tiskäre qaraş, taraf totu, nadanlıq misalı” buluına basım yasalğan belderüdä: "Awrupa parlamentınıñ yıllar buyı Törkiyägä qarşı nigezsez gäyıpläwlär häm raslawlar belän tulı qararlarğa omtılğan bertörkem populist häm diskriminaśion (дискриминацион) äğ’zaseneñ ilebezne nişan itep alğan süzlärenä nigezlängän bu qararnı gäyıplibez”, - dip äytelde.

Belderüdä: "Populizm, rasaçılıq, İslamofobiya, küp mädäniyätlelekkä häm bötenläşügä qarşı çığuçılar köçäyä başlanğan Awrupa säyäsäte xäzerge kompoziśiyäse (композициясе) belän Awrupa parlamentında üzen böten totnaqsızlığı belän kürsätä. Wazıyfa möddäte ozaqlamıy betäçäk xäzerge Awrupa parlamentınıñ Awrupa Berlegeneñ töp qıymmätlärenä bäyle, konstruktiv, kiñ qolaçlı häm aqıllı wäkillärdän torğan yaña sostavına qawışuı, Awrupa Berlegeneñ üz kiläçäge öçen, bezneñ telägebezder”, - dip bäyäläw yasaldı.

Törkiyäneñ Kön’yaq Qavqazda daimi tınıçlıqnıñ, totrıqlılıqnıñ häm mullıqnıñ urnaştırıluı öçen tığız tırışlıq sarıf itüe iskärtelep uzılğan belderüdä Törkiyäneñ Ärmänstan belän cayğa salu barışın alıp baruı, Ärmänstan-Azärbaycan arasındağı tınıçlıq barışına konkret öleşen kertüe, Ukraina suğışı belän bergä böten tartqalaşu mäydannarında häm humanitar krizislarda xalıqara xoquq qısalarında tınıçlıq, qardäşlek häm urtaq mänfäğätlärneñ täêmin itelüe öçen böten mömkinleklären mobilizaśiyäläwe (мобилизацияләве) häm İlbaşı Räcäp Tayyip Ärdoğan liderlığında "östenlegenä häm tırışularına möräcäğät itelgän töp aktyor torışında” buluına iğ’tibar yünältelde.

Belderüdä: "Berkem dä iğ’tibarğa almayaçaq, läkin marginal’ törkemnärneñ iğ’tibarın cälep itäçäk mondıy cawapsız tekstlarnıñ Awrupa parlamentı qararı bularaq bezneñ aldıbızğa quyıla alınuın sistemalı köçsezlek bularaq küräbez häm bolarğa citdi qaramıybız”, - dip äytelde.