Ärdoğan Bayden belän oçraştı

Türkiyä (Төркия) ilbaşı Räcäp Tayyip Ärdoğan NATO sammitı qısalarında Amerika Quşma Ştatları ilbaşı Djo Bayden belän oçraştı.

Oçraşu 1 säğat’tän artıq däwam (дәвaм) itte.

 İlbaşı Ärdoğan oçraşu aldınnan yasağan belderüendä “Minemçä, (AQŞ belän) strategik mexanizm qısalarında däwlät başlıqları däräcäsendä kiñäşläşü waqıtı citte. Bügenge oçraşunı moña taba berençe adım dip sanıym. İlbaşı Bayden belän monnan aldağı oçraşularıbız künekmä kebek ide. Xäzer bez yaña prośess (процесс) başlıybız”,- dide.

Ärdoğan Türkiyädä may ayında uzğan ilbaşı saylawınıñ ikençe turınnan soñ Baydennıñ üzenä şaltıratuın häm qotlawın (кoтлавын) belderde, AQŞ ilbaşına ”Sezgä kiläse saylaw barışında uñışlar telim”, - dide.

Djo Bayden ilbaşı Ärdoğanğa Şveśiya (Швеция) belän bäyle diplomatiyäse häm citäkçelege öçen räxmät belderde, Şveśiyäneñ NATOğa kerü protokolın Türkiyä Böyık Millät Mäclesenä tapşıru turındağı belderüennän qanäğat’ buluın äytte.

Bayden NATO sammitın tarixi dip bäyäläp, ittifaq saqlanuın nığıtu yöklämälären yañarttı.

Türkiyä ilbaşı Ärdoğannıñ 2024 nçe yılda AQŞta uzaçaq ilbaşı saylawında (сaйлавындa) uñışlar teläwennän (тeләвeннән) soñ Djo Bayden aña räxmät äytte häm “Kiläse 5 yılda sezneñ belän oçraşunı tüzemsezlek belän kötäm”, - dide.