Türkiyä Stoltenberg öçen şat

Türkiyä NATO ğomum särqatibe Yens Stoltenbergnıñ wazıyfa waqıtınıñ ber yılğa ozaytıluına qanäğat’.

Tışqı êşlär ministrlığınnan yasalğan yazmaça belderüdä ittifaq şurasınıñ älege qararı turında bolay diyelä: “Wazıyfası buyınça ilebez belän yaqın xezmättäşlek häm teläktäşlek kürsätkän ğomum särqatib Stoltenbergnı täbrik itäbez”. Anda, şulay uq, citäkçeneñ 2014nçe yılda wazıyfasına kereşkännän birle terrorçılıq häm başqa yanawlar qarşında ittifaqnıñ berdämlegen, berlektäşlegen saqlaw öçen tırışuı assızıqlana.

NATOdan kiçä yasalğan belderüdä ğomum särqatib Stoltenbergnıñ 30nçı sentyabr’dä tögällänüçe wazıyfa waqıtın ozaytu öçen berlektäş däwlätlärneñ kileşüe citkerelde. Şulay itep, ul 2024nçe yılnıñ 1nçe oktyabrenä qadär ittifaqnı citäkläyäçäk.