İlbaşı Ärdoğan Tön’yaq Kipr Törek Cömhüriyätendä

Yañadan Däwlät başlığı bulıp saylanğannan soñ berençe çit il säfäre öçen Tön’yaq Kipr Törek Cömhüriyäte başqalası Lefkoşağa kitkän Ärdoğan Atatörek häykälen zıyarät qıldı.

Häykälgä çäçäk bäylämnären quyuçı häm häykäl maxsus däftären imzalawçı İlbaşı Ärdoğan soñınnan üzen kötkän watandaşlarnı sälamläde.

Türkiyä Däwlät başlığı Ärdoğannıñ Tön’yaq Kipr Törek Cömhüriyäte säfäre waqıtında ike yaqlı mönäsäbätlärgä qağılışlı böten ölkälärdä yasalaçaq adımnar xaqında fiker alışılaçaq, utrawda yäşängän täräqqıyätlär regional’ häm global’ yaqları belän tafsille räweştä qarap çığılaçaq.

İlbaşı Ärdoğan irtägä dä Azärbaycanğa säfär yasayaçaq.

İlbaşı İlham Äliyıv belän qara-qarşı häm wäkilleklärara söyläşülär ütkäräçäk Ärdoğan ike yaqlı mönäsäbätlär häm xezmättäşlek ölkäläreneñ üsterelüe öçen yasalaçaq adımnarnı qarap çığaçaq.

Söyläşülär waqıtında ayıruça regional’ häm xalıqara mäs’älälär turında fiker alışılaçaq.