Änkarada Yämänneñ berläşüeneñ yıllığı qotlandı

Yämänneñ tön’yağı belän kön’yağınıñ berläşüeneñ 33 yıllığı başqala Änkarada oyıştırılğan çarada qotlandı.

Änkaradağı ber qunaqxanädä oyıştırılğan çarada şaqtıy ilçe qatnaştı.

Tön’yaq belän Kön’yaq Yämänneñ berläşüeneñ 33 yıllığı uñayınnan oyıştırılğan qotlaw çarası Yämän häm Türkiyäneñ gimnnarı yañğırağannan soñ başlandı.

Açılışta çığış yasağan Yämänneñ Änkaradağı ilçese Möxämmäd Saleh Äxmät Turiq Yämänneñ berlegenä basım yasap, bu berlekneñ bozıluına röxsät birmäyäçäklären belderde.

“Yämänneñ berlegenä, iminlegenä häm totrıqlılığına kürsätkän xuplawı öçen Türkiyä xökümäte häm xalqına räxmätlärebezne belderäbez,” – dide ul.

Çara azağında qunaqlarğa Yämänneñ milli aş-suları täqdim itelde.

Kön’yaq häm Tön’yaq Yämän 1990 yılnıñ 22 may könne berläşte.