"Xalıqlarıbız arasındağı bu ruxi bäyläneşkä ışanam"

Greśiyä xökümäte räise Kiryakos Miśotakis 6nçı fevral’dä bulğan häm “ğasır hälakäte” dip atalğan, 11 töbäkkä zıyan salğan Kaxramanmaraş zilzilälärennän soñ ikeyaqlı mönäsäbätlärdä tuğan uñay atmosferanıñ Türkiyä-Greśiyä bäyläneşlären cayğa sala aluına ışanuın belderde.

Ul Kozanida matbuğat ähelläreneñ sorawlarına cawap birde.  Miśotakis anda grek törkemnäreneñ Türkiyädä ğomerlärne qotqaruı öçen qanäğat’lek häm ğorurlıq xis itüen äytte.

Greśiyä xökümäte räise Türkiyä tışqı êşlär ministrı Mäwlet Çavuşoğlunıñ ikeyaqlı mönäsäbätlärdä caylanu bula aluı turındağı süzlären yazıp quyuın da belderde.

“Fiker qarşılıqlarıbız bar. Bolar xalıqara xoquq nigezendä häm yaxşı kürşelär mönäsäbätlärenä xörmät belän çişelä ala. Axır çiktä, xalıqlarıbız arasında bu faciğada kürengän ruxi bäyläneşkä ışanam. Çınnan da, bu dramanıñ êçennän, bälki dä, törek-grek mönäsäbätläre öçen tağın da yaxşı närsälär çığa aluına ömetlänäm,”-dip söyläde Miśotakis.

Ul grek xalqınıñ törek xalqına yärdäme däwam itäçägen uylawın, cir teträwdän zarar kürgän töbäklärne qabat torğızu tırışlıqlarında da Greśiyäneñ kürşe däwlät bularaq qulınnan kilgänne êşläyäçägen äytte.