Cir teträw töbägennän söyeneçle xäbärlär

Türkiyädä 6nçı fevral’dä bulğan köçle cir teträwlärdän soñ cimereklär astında qalğan keşelärne qotqaru êşläre däwam itä, êzläw - qotqaru törkemnäre isän keşelärne çığaru öçen zur tırışlıq quyalar.

Kahramanmaraşnıñ Onikişubat ilçäsendä 42 yäş’lek Mälikä İmamoğlu cir teträwdän 222 säğat’ uzğannan soñ xäräbälär astınnan isän – saw çığarıldı. Ul aşığıç yärdäm maşinası belän xastaxanägä ozatıldı.

Qotqaruçılar Dulkadiroğlu ilçäsendä 74 yäşendäge Cämilä Käkäçne 227 säğat’tän soñ cimereklärdän isän kileş çığardılar.

Hataynıñ Antakya rayonında ber xatın-qız belän ike bala  işelgän bina astınnan cir teträwdän 228 säğat’ uzğannan soñ qotqarıldılar.

Türkiyädä 6nçı fevral’dä bulğan 7,7 häm 7,6 ball zurlıqlarındağı  cir teträwlärdä meñlägän keşeneñ ğomere özelde.