Paqıstannan Türkiyä häm Süriyägä yärdäm
Türkiyä häm Süriyägä yärdäm materialı töyälgän 16 yök maşinası yulğa çıqtı
Paqıstannan “Ğasır fäläkäte” dip ataluçı cir teträwlär arqasında Türkiyä häm Süriyägä yärdäm materialı töyälgän 16 yök maşinası yulğa çıqtı.
Milli afät belän idarä itü agentlığı NDMAdan yasalğan açıqlawğa kürä Türkiyä häm Süriyägä cibäreläçäk yärdäm maşinaları öçen Laxorda tantana oyıştırıldı.
Tantanada Paqıstannıñ Mäğarif ministrı Rana Tanvir-Xösäyen, Türkiyäneñ Laxordağı başkonsulı Ämir Özbay häm räsmi zatlar qatnaştı.
İran aşa Türkiyägä baraçaq qışlıq çatır häm yurğannar töyälgän 16 yök maşinasınıñ 10 kön êçendä afät töbäklärenä barıp citüe planlana.
Paqıstan 7 fevral’dän bügengä qadär Türkiyägä yärdäm öçen 10 oçqıç cibärgän ide. Bu yärdämnär berse Törek qorallı köçläre, 3ese Paqıstan Hawa köçläre häm 6ısı Paqıstan Xalıqara hawa yullarına bäyle oçqıçlar belän taşılğan ide.
Törek hawa yullarına bäyle yök oçqıçı da 75 tonnalık yärdäm materialı belän Türkiyägä yul tottı.
Paqıstanlı räsmi zatlar cir öste häm diñgez yulı belän dä yärdämneñ cibärelüe öçen êşçänleklärneñ başqarıluın belderä.
İslamabad citäkçelege ildä däwlätkä bäyle mäktäplärdä yärdäm cıyarğa qarar birgän ide.
