Ärdoğan-Guterreş telefon söyläşüe

İlbaşı idaräseneñ êlemtä räislegennän yasalğan belderügä kürä, söyläşü waqıtında 24nçe fevral’dän birle däwam itüçe Rusiyä-Ukraina suğışı häm Qara diñgez aşlıq koridorı belän bäyle täräqqıyätlär quzğatıldı.

Ärdoğan söyläşü waqıtında üzläreneñ Rusiyä häm Ukraina tarafı belän iñ yuğarı däräcädä başqarğan diplomatiya xäräkäte näticäsendä aşlıq koridorınıñ yañadan êşli başlawınnan qanäğät buluın belderde.

İlbaşı Ärdoğan xäzer inde İstanbul kileşüe waqıtınıñ yañadan ozaytıluına iğ’tibarnı yünältergä kiräk buluın iskärtep uzdı.

Guterreş tä aşlıq koridorınıñ yañadan êşläwen täêmin itkän tırışuları öçen Ärdoğanğa räxmät belderde.

Süriyägä cibärelgän çik ar’yağı humanitar yärdäm mäs’äläsenä dä tuqtalıp uzuçı İlbaşı Ärdoğan İminlek şurasınıñ monıñ belän bäyle bulğan häm möddäte 10nçı ğıynwarda betäçäk qararınıñ ozınaytıluı tırışlıqlarına köçle yärdäm kötülären citkerde.