Ärdoğannı NATO belän bäyle tığız diplomatiyä kötä

Türkiyä ilbaşı Räcäp Tayyip Ärdoğan noyabr’ ayı başında NATO belän bäyle tığız diplomatiyä alıp baraçaq. 4nçe noyabr’dä anıñ İstanbulda ittifaqnıñ ğomum särqatibe Yens Stoltenbergnı qabul itüe kötelä. Oçraşuda Şveśiyä belän Finlyandiyäneñ NATOğa kerüennän tış Rusiyä-Ukraina suğışındağı wäzğıyät’ tä qaralaçaq.  

Ärdoğan 8nçe noyabr’dä başqala Änkarada Şveśiyä xökümäte räise Ul’f Kristerssonnı qabul itäçäk. Oçraşuda ike il arasındağı mönäsäbätlär häm Şveśiyäneñ NATOğa kerü prośessı urtağa quyıluı kötelä. Alar çärşämbe könne telefon aşa da söyläşkän ide. Anda Ärdoğan Şveśiyäneñ xökümät räise wazıyfasına saylanuı öçen Ul’f Kristerssonnı qotladı. Ul üzenä 19nçı noyabr’dä kilgän xatnı xäterlätep, Şveśiyä prem’yerın Änkarada bik şatlanıp qabul itäçägen äytte.

İlbaşı Ärdoğan xökümät räise Kristerssonnıñ Öç’yaqlı memorandumnı ütäwläre turındağı belderülären küzätep baruın citkerde. Ul terrorçı oyışmalarnıñ Şveśiyäneñ NATOğa kerüen häm Türkiyä belän mönäsäbätlären totqarlawına qarşı çığunıñ urtaq mänfäğat’ buluın assızıqladı.