Törkiyä Somalidağı höcümne ğayepläde

Somalinıñ Tübän Şabel’ töbägendä kiçä bulğan ike ayırım bombalı höcümdä tulayım ğomere özelüçelärneñ sanı 20gä citte.

Merka şähärendä bulğanında 13 keşe ülde. Aralarında qala mêrı Abdullaxi Ali Vafou da bar. Höcüm xökümät wäkillärenä qarata oyıştırıla. Anda yaralanuçılar da bik küp - alarnı xastaxanägä iltälär.

Afgoye şähärendä keşe küp yöri torğan xaywan bazarındağı şartlawda hälaq buluçılarnıñ sanı isä 7gä citte. Monnan tış, 14 keşe yaralandı.

Äş-Şäbab terrorçı oyışması Merkada bulğan höcüm öçen cawaplılıqnı üz östenä aldı.

Törkiyä Somalinıñ Afgoye häm Merka şähärlärendä bulğan terrorçı höcümnären kisken räweştä ğayepläde. Tışqı êşlär ministrlığınnan yasalğan yazmaça belderüdä älege waqıyğalarda räsmi wäqalätlelär häm grajdanlılarnı da kertep bik küp keşeneñ ğomere özelüe häm yaralanuı öçen tirän borçu citkerelde.

“Bu äşäke terrorçı höcümnären iñ kisken räweştä ğayeplibez, ğomere özelüçelärgä Allahtan yarlıqaw, yaqınnarı belän dus häm qardäş Somali xökümäte, xalqınıñ qayğısın urtaqlaşabız, yaralanuçılarğa şifa telibez,”-diyelä belderüdä.