Çavuşoğlunıñ Tön'yaq Kipr Törek Cömhüriyätendäge oçraşuları
Törkiyä Tışqı êşlär ministrı Mäwlüt Çavuşoğlu Tön'yaq Kipr Cömhüriyät Mäclese başlığı Zorlu Törä häm Baş ministr Ünal Üstäl belän küreşep söyläşte
Çavuşoğlu Tön'yaq Kipr Törek Cömhüriyäte oçraşuları qısalarında iñ êlek parlament başlığı Törä belän küreşte.
Oçraşu belän bäyle bularaq “Twitter” akkauntınnan yazması belän urtaqlaşqan Çavuşoğlu:
"Tön'yaq Kipr Törek Cömhüriyäte Cömhüriyät Mäclese Başlığı Zorlu Törä häm Tön'yaq Kipr Törek Cömhüriyäte Cömhüriyät Mäcleseneñ Räislek şurası äğ’zaläre belän oçraştıq. Tön'yaq Kipr Törek Cömhüriyäteneñ tawışın dönyağa tağın da köçleräk işetterä alu öçen bez täwäkkällek belän êşlärgä däwam itäçäkbez”, - dip äytte.
Çavuşoğlu soñınnan Baş ministr Üstel yanına bardı.
Oçraşu turında “Twitter” akkauntınnan citkerüçe Çavuşoğlu:
"Tön'yaq Kipr Törek Cömhüriyäte Baş ministrı Ünal Üstäl häm xökümät urtaqları belän oçraştıq. Kipr törekläreneñ mullığı, üseşe häm iminlege härwaqıt bezneñ prioritetıbız. Köçebez – berdämlegebez, berdämlegebez – köçebez”, - dip belderde.
Çavuşoğlu monnan alda Tön'yaq Kipr Törek Cömhüriyäte İlbaşı Ärsin Tatar häm Tışqı êşlär ministrı Tahsin Ärtuğruloğlu belän küreşep söyläşkän ide.
Bäyläneşle xäbärlär
Ärdoğan Äliyev (Әлиев) belän bäyrämläşte
Törkiyä İlbaşı Räcäp Tayyip Ärdoğan Azärbaycan Däwlät başlığı İlham Äliyev (Әлиев) belän bäyrämläşte
Törkiyä zäñgär bayraqta dönya öçençese
Törkiyä zäñgär bayraqlı plyaj sanı belän dönyada öçençe urında
