Çavuşoğlu Tön'yaq Kipr Törek Cömhüriyätendä
Törkiyä Tışqı êşlär ministrı Mäwlüt Çavuşoğlu Tön'yaq Kipr Törek Cömhüriyätendä ictimağıy oyışma wäkilläre belän oçraştı
Ministr Çavuşoğlu belän ictimağıy oyışma wäkilläreneñ cıyılışı Girnädäge Aq yorttta uzdı.
Tışqı êşlär ministrı urınbasarı Sädat Önal häm Törkiyäneñ Läfkoşa ilçese Ali Murat Başçäri dä qatnaşqan cıyılış matbuğatqa yabıq ütkärelde.
Oçraşuğa qağılışlı bularaq “Twitter” akkauntınnan yazma belän urtaqlaşqan Çavuşoğlu: “Kipr törek ictimağıy oyışmaları belän oçraştıq. Kiçä, bügen häm härwaqıt bez bergä! Bergälebezne bozarğa tırışuçılarğa mömkinlek birmäyäçäkbez!”, - dip äytte.
Çavuşoğlu Lapta töbäge watandaşları belän dä küreşep söyläşte.
Çavuşoğlu biredä yasağan çığışında: "Kipr törek xalqı – bezneñ canıbız, bar närsäbez, qıymmätlebez”, - diyıp, bügengä qadär Tön'yaq Kipr Törek Cömhüriyäten häm kipr töreklären hiç yalğız qaldırmawların, monnan soñ da qaldırmayaçaqların belderde.
Çavuşoğlu, Kiprda quyılğan uyınnarnı boza alunıñ möhimlegenä tuqtalıp uzıp:
"Monnan soñ (Kipr grek töbäge belän) suveren tigezlek bar, säyäsi tigezlek tügel. Yäğ’ni ike däwlätle çişeleş. Yänäşä yäşäyäçäk ike däwlät üzara härtörle xezmättäşlek urnaştıra ala, bu ğayät tabiğıy. Kipr törekläreneñ möstäqıyllegen härkemgä qabul itterü öçen tırışabız”, - dip iskärtep uzdı.
