Törkiyäneñ xärbi öyränülärendä 37 il qatnaştı

Törkiyä ilbaşı Räcäp Tayyip Ärdoğan Ägäydä uzğan “Êfes-2022” xärbi öyränüläre belän dön’yağa açıq yullama yasaluın belderde. Ul İstanbulda ber tantanada çığış yasap Törkiyä belän Greśiyä arasındağı kiyerenkelek turında süz quzğattı.

Ärdoğan Ägäydäge utrawların, xalıqara kileşülärgä qarşı çığıp, qorallandıruçı Greśiyäne tänqıyt’läde.  Ul älege däwlätneñ Törkiyä uzdırğan xärbi öyränülärdä başqa illärne qatnaşmasqa çaqıruın tik monıñ näticäsez buluın citkerde.

“Bezneñ bu xärbi öyränülärdä 37 däwlät qatnaştı. Greśiyä bolarnıñ yartısınnan artığına “qatnaşmağız” dip xäbär cibärgän. Berse dä diyärlek Greśiyäne tıñlamadı. Amerika Quşma Ştatlarınnan başlap barısı bezneñ belän xärbi öyränülär ütkärde,”-dip söyläde ilbaşı.

Ärdoğan Törkiyäneñ, unışlı tögällängän “Êfes-2022” öyränüläre näticäsendä, Ägäydäge nıqlı poziśiyäsen tağın ber qat dön’yağa kürsätüen assızıqladı.