Akar Şoygu belän söyläşte

Törkiyä Milli saqlanu ministrı Hulusi Akar Rusiyä Saqlanu ministrı Sergey Şoygu belän telefon söyläşüendä Süriyäneñ tön’yağında täêmin itelgän totrıqlılıqnı bozuçı ğamällärneñ artıp kitüenä kiräkle cawapnıñ bireläçägen, töbäktä terrorçı barlığınıñ qabul itelmäslek buluına basım yasadı.

Törkiyä Milli saqlanu ministrlığınnan yasalğan belderügä kürä, Akar Şoygu belän sişämbe könne telefonnan söyläşte.

Ukraina häm Süriyä belän bergä ike yaqlı häm regional’ saqlanu häm iminlek mäs’äläläre quzğatılğan söyläşü waqıtında Akar Ukrainadağı xällär belän bäyläneşle bularaq bütan ülemnärneñ bulmawı, töbäktä xozurnıñ häm totrıqlılıqnıñ yañadan urnaştırıluı häm naçaraya barğan humanitar wazğıyätneñ yaxşırtıluı öçen aşığıç räweştä utnı tuqtatunıñ iğ’lan itelüeneñ möhimlegenä basım yasadı.

Azıq-tölek krizisı mäs’äläsendä aşlıq, könbağış häm başqa igençelek êşlänmäläreneñ qurqınıçsız transportirovkası ölkäsendä kürelä alınaçaq çaralarğa tuqtalıp uzılğan söyläşüdä Akar ayıruça humanitar yärdäm mäs’äläsendä härtörle öleşen kertergä tırışqan Törkiyäneñ töbäktä tınıçlıqnıñ urnaştırıluı öçen bügengä qadär bulğanı kebek monnan soñ da üz burıçın ütärgä äzer buluın belderde.

Ministr Akar Süriyäneñ tön’yağındağı xällär belän bäyle bularaq ta töbäktä täêmin itelgän totrıqlılıqnı bozuçı ğamällärneñ artuına kiräkle cawapnıñ bireläçägen, töbäktä terrorçı barlığınıñ qabul itelmäslek buluın citkerde.

Akar bu mäs’älädä aldağı kileşülärne ütärgä kiräklegen xäterlätte.