Törkiyä ilbaşı Stoltenberg belän söyläşte

Törkiyä ilbaşı Räcäp Tayyip Ärdoğan NATO ğomüm särkätibe Yens Stoltenberg belän telefonnan söyläşte.

İlbaşı idaräseneñ êlemtä räislegennän yasalğan açıqlawğa kürä söyläşüdä Şveŝiya häm Finlyandiyaneñ NATOğa äğzalek taläbe qaraldı.

Törkiyä ilbaşı söyläşüdä Şveŝiya häm Finlyandiyaneñ äğzalek taläpläre belän bäyle bularaq Törkiyäneñ iminlek borçularınıñ xaqlı häm legal’ nigezläre buluın belderde.

Ärdoğan ike ilneñ dä terrornı xuplawdan waz kiçüläre, Törkiyägä qarağan çikläwlärne beterüläre, ittifaq yärdämläşüenä äzer buluların ap-açıq räweştä kürsätüläre zarurlığın assızıqladı.

NATO ğomüm särkätibe Stoltenberg ta ilbaşı belän ütkärgän telefon söyläşüe xaqında soŝial’ mediada citkerde.

Stoltenberg möhim berlektäş bulğan Törkiyäneñ kötkännären cirenä citkerü kiräklegenä iğtibarnı cälep itte.