Çavuşoğlu: “Rusiyä häm Ukraina yuğarı däräcädä oçraşırğa mömkin”

Mäwlüt Çavuşoğlu şäxsi ber televideniye kanalınıň turıdan-turı êfirında könüzäk mäs’älälärgä qarata açıqlawlar yasadı.

Çavuşoğlu Rusiyä belän Ukraina arasında daimi utnı tuqtatunıň täêmin itelüe öçen Türkiyäneň qulınnan kilgänne yasawın äytte.

İstanbulda monnan aldağı könne ütkärelgän söyläşülärneň däwamında tışqı êşlär ministrları däräcäsendä söyläşüneň uzdırıla alınaçağın belderüçe Çavuşoğlu: "Bu oçraşu 1-2 atna êçendä bulırğa mömkin, kileşü bulsa liderlar oçraşaçaq”, - dip äytte.

Ministr Çavuşoğlu: "(Garant il bulğan oçraqta) Türkiyä (Ukrainadağı) suğışnıň êçenä şunda uq keräçäk, Türkiyä anda ğaskär cibäräçäk kebek aňlatmalar döres tügel”, - dip bilgeläp uzdı.

24nçe fevral’dä Rusiyä belän Ukraina arasında başlanğan suğıştan soň Türkiyäneň Rusiyädän alğan tabiğıy gaznıň 50%tan 40%tan tübängä töşüen citkerüçe ministr Çavuşoğlu: "Böten dönya tabiğıy gaz täêmin itüdä êzlänü êçendä. Döres bulğanı yaňartıla alınğan ênergiyağa yünälü. Rusiyädän gaz täêmin itüdä bernindi awırlıq yuq. Aradaşçılıq yasağan çaqta sankśiyälärgä quşıluıbız çınlıqçı bulmas, şuňa kürä härkem bezne aňladı," – dip äytte.

May urtasında İzrail Baş ministrı Naftali Bennettneň Türkiyägä kiläçägen dä açıqlawçı Çavuşoğlu: "Bu töbäktäge (Urta diňgez töbägendäge) tabiğıy gaznıň Türkiyädäge ütkärgeçlärgä totaşıp Awrupağa kitüe ähämiyätle. Läkin bik qısqa waqıtta monıň başqarıluı awır”, - dide.

Tışqı êşlär ministrı Awrupa Berlege belän mönäsäbätlär xaqında da: "Türkiyä – töbäk häm dönya tınıçlığı öçen töp il. Bez Awrupa iminlegenä iň küp öleş kertkän il. Awrupa Berlege kiräk bulğanda yaqınlaşa, annan soň yıraqlaşa. Şaqtıy ilgä şuşılay yasıylar”, - dip belderde.

Çavuşoğlu NATO häm Awrupa Berlege êçendä monnan arı “Türkiyägä qarata (saqlanu ölkäsendäge) çikläwlärne beterik” êzlänüeneň östen bula başlawın belderde.

Ministr Çavuşoğlu Soğud Ğäräbstanı belän mönäsäbätlärneň cayğa salınuı ölkäsendä möhim adımnar yasaluın da iskärtep uzdı.