Törkiyä BMO mömbärennän Ukrainadağı suğışnı tuqtatırğa çaqırdı

Berläşkän Millätlär Oyışması Ğomum şurası Ukrainadağı suğışnıñ humanitar näticälären tikşerü öçen Amerika Quşma Ştatlarınıñ N’yu-York qalasındağı üzägendä çirattan tış cıyıldı.

Törkiyäneñ BMO Daimi wäkile Färidun Sinirlioğlu cıyılışta yasağan çığışında: "Bu – ciñüçese bulmağan ber suğış. Hiç başlanmawı kiräk ide häm xäzer ük tuqtatılırğa tiyeş”, - dip äytte.

Rusiyäneñ xalıqara xoquqnı açıqtan-açıq bozuın äytüçe Sinirlioğlu bu wazğıyätneñ qabul itelmäslek buluın belderde.

Sinirlioğlu, qamalış astındağı Mariupol şähärendä yäşängännärneñ "bik ayanıç" buluın belderep, zolım qorbannarınıñ xatın-qızlar häm balalar belän bergä gäyepsez keşelär buluın äytte.

Törkiyäneñ "Ukrainadağı qardäşlären yalğız qaldırmayaçağına” basım yasawçı Sinirlioğlu tınıç xalıqnıñ êvakuaśiyası häm humanitar yärdäm mäs’äläsendä Törkiyäneñ Berläşkän Millätlär Oyışması häm başqa humanitar yärdäm oyışmaları belän bergä xäräkät itüen añlattı.

Xalıqara cämäğätçelekne Ukraina xalqına yärdäm öçen qulınnan kilgänne yasarğa çaqıruçı Sinirlioğlu: "Törkiyä iñ tiz arada humanitar utnı tuqtatunıñ täêmin itelüe öçen böten diplomatik çığanaqların mobilizaśiyäliy”, - dip äytte.

Tulı wäqalätle ilçe Sinirlioğlu Rusiyäneñ höcümnären tuqtatuı häm böten köçlären “xäzer ük häm şartsız” bularaq Ukrainadan çigüe häm Ukrainağa tağın da kübräk yärdäm kürsätelüe çaqırılğan häm Törkiyä dä töp alıp baruçılarınnan bulğan xalıqara cämäğätçelektän ölgene xuplawın teläde.

Rusiyä xärbiläre 24nçe fevral’dä Ukrainağa höcüm başlatqan ide.