Çavuşoğlu: “Ukraina suğışı ikelätä standartnı kürsätte”

Tışqı êşlär ministrı Mäwlüt Çavuşoğlu İslam xezmättäşlek oyışmasınıñ urtaq däğwalar öçen ğamäldä buluın belderep: "İslam xezmättäşlek oyışmasınıñ wazıyfası İslam dönyasınıñ şuşı däğwalarıbızda urtaq awaz buluı. Bez ömmät bularaq ber tän kebek bulsak, kilep çıqqan här kirtäne ciñärbez”, - dip äytte.

Çavuşoğlu Paqıstan başqalası İslamabadta oyıştırılğan İslam xezmättäşlek oyışmasınıñ tışqı êşlär ministrları şurası cıyılışı utırışında çığış yasadı.

Ministr Çavuşoğlu, İslam doşmanlığınıñ artuın belderep: "Qıtayda uyğır törkiläre häm başqa möselmannar dini xaq-xoquqların häm mädäni üzañnarın saqlawda qıyınlıqlar belän oçraşa. İñ küp möselman yäşäwçe illärdän berse bulğan Hindstanda başyawlıqlı xoquqı kire qağıla. Rohincalar monnan arı dönyanıñ iğ’tibarın da xätta cälep itmi”, - dip äytte.

Liviyada, Süriyädä häm Yämändä qardäş qanınıñ qoyılırğa däwam itüen belderüçe Tışqı êşlär ministrı Çavuşoğlu bügen Ukrainada yäşängän häm härkem qarşı çıqqan suğışnıñ ikelätä standartnı da kürsätüenä basım yasadı.

Çavuşoğlu, Ukrainadağı suğış waqıtında "Bu Yaqın Könçığış tügel, Äfğanstan tügel, ni öçen bu qan qoyıla?" dip äytüçelärne işetülären xäterlätep: "Bezneñ öçen Xarkovta qoyılğan qan belän Xälebtä qayılğan qan ber ük. Çönki bezneñ śivilizaśiyabez monı taläp itä”, - dide.

Tışqı êşlär ministrı Çavuşoğlu, Ukraina belän Rusiyä arasındağı suğışta utnı tuqtatunıñ häm suğışnıñ beterelüeneñ härkemneñ berençe maqsatı buluı zarurlığın belderep: "Bu mäs’älädä härkem cawaplı häm konstruktiv xäräkät itärgä tiyeş”, - dip äytte.