İzrail ilbaşı Törkiyägä kilä
Säfär 9-10 mart könnärendä bulaçaq
İzrail däwlät başlığı İsxak Gerśog ilbaşı Räcäp Tayyip Ärdoğannıñ çaqıruına cawap itep Törkiyägä kilä. Säfär 9-10 mart könnärendä bulaçaq.
Törkiyädä uzaçaq oçraşular waqıtında ike il arasındağı xezmättäşlekne üsterü öçen yasalaçaq adımnarnı qaraw planlaştırıla. Monnan tış, könüzäk regional’ häm xalıqara mäs’älälär xaqında da fiker alışu kötelä.
İzraildän yasalğan belderügä qarağanda, Xerśog Änkarağa xatını Mişel’ belän bergä kiläçäk. Säfär qısalarında İzrail ilbaşı İstanbulda yähüd cämäğat’çelege wäkilläre belän dä oçraşaçaq.
Belderüdä, monnan tış, ilbaşı Ärdoğannıñ, Xerśog wazıyfasına kereşkändä, anı täbrik itü öçen şaltıratuı da assızıqlana. Monıñ İzrail belän Törkiyä arasında soñğı yıllarda aralar suınğannan soñ dialognıñ başlawına yul açuçı söyläşü buluı äytelä.
İsxaq Gerśog 2008nçe yıldan birle Törkiyägä kilgän berençe İzrail liderı bulaçaq.