Törek watandaşları Ukrainadan qayta

 Törkiyä tışqı êşlär ministrı urınbasarı Yavuz Sälim Kıran Twitter akkauntı aşa beldergänçä, Ukrainadan kitep cir öste yulları aşa ilgä qaytırğa teläwçe watandaşlar öçen çik buyı qapqalarındağı taläplär üzgärde.

Ukrainadan Pol’şa, Moldova häm Slovakiyağa passport yäisä şäxes tanıqlığı belän vizasız ütep bula. Törek watandaşları Rumıniya, Vengriyä häm Bolgariyägä dä vizasız kerä ala.

Bolgariyä, Vengriyä, Moldova, Pol’şa, Rumıniya häm Slovakiyä Ukrainadan kilüçe Törkiyä watandaşlarınnan PŚR testı häm koronavirus vakśinası sertifikatı soramayaçaq.

Monnan tış, Vengriyäneñ Änkaradağı ilçese Viktor Matis ta Ukrainadan qorı cir yulı belän kitärgä teläwçe Törkiyä watandaşlarına qarata taläplär turında mäğ’lümat birde. Ul Twitter akkauntı aşa citkergänçä, törek watandaşları PŚR testınnan başqa Ukrainadan Vengriyägä kerä ala.

Şul uq waqıtta, tışqı êşlär ministrlığı tırışlığı belän Moldovadan êvakuaśiyälängän ber törkem avtobus belän Törkiyägä kilde. Andağı törek investorınıñ fabrikası citäkçelege Rusiyäneñ Ukrainağa bärep kerüenä häm Moldovağa immigraśiyä dulqınına borçılıp Törkiyägä êvakuaśiyä turında sorap möräcäğat’ itä. 31 keşelek törkemne Rumıniyä häm Bolgariya aşa ütkärep ilgä qaytardılar. Xamzabeyli çik buyı qapqasınnan kergän watandaşlar İstanbulğa yul tottı.