Törek hawa yulları oçışların tuqtata
Şirkät qayber illär häm şähärlärgä oçışların tuqtatıp toruın citkerde
1785082
Törek hawa yulları Ukraina, Moldova, Belarus’ häm Rusiyäneñ Rostov şähärenä oçqıç säfärlären ğamäldän çığardı. Şirkätneñ sośial’ media akkauntlarında bolay diyelä: “2nçe martqa qadär (ul könne dä kertep) Rostov-na-Donuğa baruçı häm qaytıçı oçışlar, 26nçı fevral’gä qadär Belarus’ säfärläre belän 4nçe martqa qadär Moldova reysları ğamäldän çığarıldı”.
Belderüdä Ukraina hawa kiñlekläre yabılu säbäple 25nçe-26nçı fevral’lärdä älege ilgä bulaçaq oçışlarnıñ da yasalmayaçağı äytelde.
Yulçılarğa biletların satıp alğan agentlıqlar aşa yäisä Törek hawa yullarınıñ üzenä veb-säxifä häm telefonnan möräcäğat’ itep kire tapşırırğa yä kiçekterergä kiñäş itelä.
