Ärdoğan: “Awrupa Berlege häm könbatış mentalitetı, qızğanıç, citdi, täwäkkäl totışın kürsätmäde”
Törkiyä İlbaşı Räcäp Tayyip Ärdoğan Ukraina mäs’äläsendä Awrupa Berlegeneň häm könbatış mentalitetınıň, qızğanıç, citdi, täwäkkäl totışın kürsätmäwen äytte
İstanbulda mäçettän çıqqan çaqta açıqlaw yasawçı Ärdoğan Rusiyäneň Ukrainağa oyıştırğan höcümenä tuqtalıp uzdı.
Törkiyäneň bügengä çaqlı NATOnıň totışı belän bäyläneşle qaraşınıň bik tögäl häm anıq buluın belderüçe Ärdoğan: "Ğadi şeltägä äwerelergä tiyeş tügel, NATO tağın da täwäkkäl adım yasarğa tiyeş”, - dip äytte.
İlbaşı: "(Ukrainada) Xäzerge waqıtta Awrupa Berlege häm monıň belän bergä könbatış böten mentalitetlar, qızğanıç, qatğıy totışın kürsätmäde. Ukrainağa bik küp kiňäşlär birälär. Yasalğan bernindi adım yuq. Bügenge NATO sammitında nindi adımnarnıň yasaluı turında söyläşeläçäk. Bügengä qadär dä küp itep näsixatlären birgän Könbatış şuşındıy uq kiňäşlären däwam itterä”, - dip belderde.
Ukrainadağı töreklärneň êvakuaśiyasına da tuqtalıp uzuçı İlbaşı hawa transportınıň ışanıçlı bulmawın, êvakuaśiyalarnıň cir östennän başqarıluın iskärtep uzdı.
Ärdoğan: "İlçelegebez bulmasın, baş konsullıqlarıbız bulmasın, härtörle adımnı yasarğa äzer”, - dip äytte.
