İlbaşı Ärdoğan Berläşkän Ğaräp Ämirleklärendä
İlbaşı Räcäp Tayyip Ärdoğan Äbu-Dabi täxet warisı prinś Şäyex Möxämmäd bin Zayäd Äl Nahyannıñ çaqıruı belän ike könlek räsmi säfär belän Berläşkän Ğaräp Ämirleklärenä kitte
İlbaşı Ärdoğannı Äbu-Dabi xalıqara hawa mäydanında Äbu-Dabi Federal’ ministrı Tani bin Ahmäd Al Zäyouidi, Törkiyäneñ Äbu-Dabi tulı wäqalätle ilçese Tugay Tunçär belän Dubai Baş konsulı Mostafa İlkär Qılıç qarşı aldı.
Annan soñ İlbaşı Ärdoğan däwlät başlığı rezidenśiyası “Kasr Al Watan”da täxet warisı prinś Äl Nahyan tarafınnan räsmi tantana belän qarşı alındı. İke lider räsmi qarşı alu tantanasınnan soñ ike yaqlı söyläşülärgä küçte. Ärdoğan häm Äl Nahyan ike yaqlı oçraşudan soñ wäkilleklärara söyläşülärne citäkläyäçäk.
İlbaşı Ärdoğannıñ oçraşuları qısalarında uzdıraçaq söyläşülärdä ike il arasındağı mönäsäbätlärneñ häm xezmättäşlekneñ üsterelüe kebek mäs’älälär belän bergä tınıçlıqnıñ häm totrıqlılıqnıñ urnaştırıluı häm saqlanuı añlayışı nigezendä regional’ häm xalıqara täräqqıyätlärneñ dä quzğatıluı kötelä.
İke il arasındağı bağlanışlarnıñ köçäytelüe maqsat itelgän kileşülärgä qul quyılaçaq oçraşular qısalarında İlbaşı Ärdoğan ayıruça Dön’ya yärminkäse “EXPO 2020 Dubai”gä barıp, Törkiyä milli köne bulıp bilgelängän 15nçe fevral’dä Törkiyä kürgäzmä mäydanın qarayaçaq.
Bäyläneşle xäbärlär
Ärdoğan Äliyev (Әлиев) belän bäyrämläşte
Törkiyä İlbaşı Räcäp Tayyip Ärdoğan Azärbaycan Däwlät başlığı İlham Äliyev (Әлиев) belän bäyrämläşte
Törkiyä zäñgär bayraqta dönya öçençese
Törkiyä zäñgär bayraqlı plyaj sanı belän dönyada öçençe urında