Ärdoğan: “Rusiyäneñ Ukrainanı basıp alu ixtimalın real’ dip kürmim”
İlbaşı Räcäp Tayyip Ärdoğan Rusiyäneñ Ukrainanı basıp alu ixtimalın çınlıqçı dip kürmäwen äytte
![Ärdoğan: “Rusiyäneñ Ukrainanı basıp alu ixtimalın real’ dip kürmim”](http://cdn.trt.net.tr/images/xlarge/rectangle/abfb/1dae/a08e/61e6a461076e6.jpg?time=1718881456)
Albaniya säfärennän soñ jurnalistlarnıñ sorawlarına cawap birüçe İlbaşı Ärdoğan Rusiyä belän Ukraina arasındağı kiyerenkelekne bäyäläde.
Rusiyäneñ Ukrainanı yawlap aluın real’, çınlıqçı totış bularaq kürmäwen belderüçe Ärdoğan ğadi il bulmağan Ukrainanıñ köçle il buluın äytte.
Törkiyä Däwlät başlığı Rusiyäneñ okkupaśiya adımın yasıy aluı öçen böten dönyadağı wazğıyätne häm üz torışın küzdän kiçerüe zarurlığına basım yasadı.
Ukrainada bulğan Azärbaycan İlbaşı İlham Aliyev belän söyläşäçägen belderüçe Ärdoğan Rusiyä Däwlät başlığı Vladimir Putin belän dä bu mäs’älälärne söyläşergä kiräklegen iskärtep uzdı.
Ärdoğan: "Çönki bu töbäklär suğışqa çıdıy almıy inde. Monnan arı suğışnı säyäsät tarixınnan sörtep ırğıtırğa kiräk. “Min ber cirneñ tufraqların yawlap alıym” mantıyğı belän bu êşlär barmıy. Mäsälän, Ukrainada närsä êşläde Rusiyä? Qırımnı basıp aldı. Qırım belän bäyle bularaq bez härwaqıt Qırımnıñ yawlap alınuına qarşı çığuıbıznı xörmätle Putin belän ütkärgän här söyläşüdä üzenä äytäm. Tışqı êşlär ministrlığıbız şuşındıy uq räweşle äñgämädäşlärenä citkerä. Yäğ’ni bu mäs’älädä bezneñ säyäsätebez bilgele”, - dip äytte.
Bäyläneşle xäbärlär
![Ärdoğan Äliyev (Әлиев) belän bäyrämläşte](http://cdn.trt.net.tr/images/medium/rectangle/7680/6199/8634/6673c85490891.jpg?time=1718881456)
Ärdoğan Äliyev (Әлиев) belän bäyrämläşte
Törkiyä İlbaşı Räcäp Tayyip Ärdoğan Azärbaycan Däwlät başlığı İlham Äliyev (Әлиев) belän bäyrämläşte
![Törkiyä zäñgär bayraqta dönya öçençese](http://cdn.trt.net.tr/images/medium/rectangle/9770/5ad7/48f7/66703fbb34951.jpg?time=1718881456)
Törkiyä zäñgär bayraqta dönya öçençese
Törkiyä zäñgär bayraqlı plyaj sanı belän dönyada öçençe urında