Törkiyädän Sudanğa - 1 million doza
Sudanğa 1 million doza koronavirus vakśinası büläk iteläçäk
Törkiyäneñ Xartum ilçese İrfan Näziroğlu Sudanğa 1 million doza koronavirus vakśinası büläk iteläçägen belderde. Ul älege ilneñ Suverenlıq şurası äğ’zası, general İbrahim Cabir belän ilbaşı sarayında oçraştı. Söyläşüdä ike aradağı säyäsi häm iq’tisadi mönäsäbätlär qaraldı. Näziroğlu dekabr’ ayında İstanbulda uzğan 3nçe Törkiyä-Afrika xezmättäşlek sammitı turında mäğ’lümat citkerde. Anda ilbaşı Räcäp Tayyip Ärdoğan Törkiyädän Afrika qıytğasına yärdäm yözennän 15 million doza vakśina cibäreläçägen beldergän ide. Şunıñ 1 million dozası - Sudanğa.
Cabir isä Törkiyäneñ härwaqıt Sudanğa yärdäm itüen, moña bik räxmätle buluların äytte. Ul Törkiyäneñ, bigräk tä, sänäğat’ häm texnologiyä tarmaqlarındağı täcribäsen öyränergä teläwlären dä belderde.
Bäyläneşle xäbärlär
Törkiyä zäñgär bayraqta dönya öçençese
Törkiyä zäñgär bayraqlı plyaj sanı belän dönyada öçençe urında