Törkiyä tözegän toraqlar alban ğailälärenä tapşırıldı
2019nçı yılğı cir teträwdä zıyan kürgän albannarğa toraq tözüdä Törkiyä dä qatnaşa
Törkiyä Albaniyädäge Leja şähärendä cir teträwdän zarar kürüçelär öçen tözelgän toraqlarnı ğailälärgä tapşırdı. Süz 2019nçı yılnıñ 26nçı noyabrendä bulğan 6,3 ball zurlığındağı zilzilä xaqında. Ul waqıtta Albaniyädä 51 keşe hälaq buldı, 900dän artığı yaralandı. Yaqınça 17 meñ keşe öylären taşlap kitärgä mäcbür buldı. Cir teträwdän barlığı 202 meñ 291 keşe zarar kürde.
Toraqlarnı tapşıru tantanasında Albaniya xökümäte räise Êdi Rama, Törkiyäneñ Tiranadağı ilçese Murat Äxmät Yörük häm başqa wäqalätlelär qatnaştı.
Rama andağı çığışında proyektnıñ cir teträwdän zarar kürgän barlıq alban ğailälär öçen qabat torğızılunıñ iñ mäğ’näle ürnäge buluın söyläde. Ul Albaniyä xökümäte yärdämendä başqa urınnarda da toraqlar tözelüen, Lejadağı proyektnıñ isä Törkiyä xökümäte aqçasına häm ilbaşı Räcäp Tayyip Ärdoğannıñ yärdäme belän başqarıluın assızıqladı.
