Milli İminlek Şurası beldergese

İlbaşı qolliyätendä ütkärelgän cıyılıştan soñ basılğan Milli İminlek Şurası beldergesendä “PKK/KCK-PYD/YPG” terror oyışmalarına qanunsız yärdäm kürsätüçelärdän bu êşçänleklären tiz arada tuqtatularınıñ kötelüe äytelde.

Ğıyraqnıñ terrorçılıq belän köräşenä qarata köçle yaqlaw citkerelgän beldergedä Balkanda xozur häm tınıçlıqnıñ daimilegeneñ möhimlegenä basım yasaldı.

Greśiyanıñ agressiv süzläre häm ğamälläre belän yaxşı kürşe mönäsäbätläreneñ zarur bulğannarın ütämäwdä qatğıy buluına basım yasalğan beldergedä Greśiyanı bu yünäleştä alğa taba adım yasarğa täşviq itüçe köçlär, töbäkneñ xozurın bozaçaq şuşı totışlarınnan waz kiçep, ğadellek häm tınıçlıq yağında torırğa çaqırıldı.

Beldergedä Liviyada daimi tınıçlıq häm mullıq şartlarınıñ urnaştırıluı barışındağı kritik êtaplardan berse bulğan Däwlät başlığı häm parlament saylawlarınıñ xoquqqa yaraşlı räweştä häm tınıçlıq êçendä uzdırıla alınuı öçen ber yaqlı adımnardan taypılunıñ zarurlığı citkerelde.

Cıyılışta Qara diñgezdäge häm Qavqazdağı täräqqıyätlärneñ dä quzğatıluına iğ’tibar yünältelgän beldergedä: “Tön’yaqtağı kürşelärebez arasındağı kileşmäwçänleklärneñ xoquq häm illärneñ cir bötenlegenä xörmät qısalarında, kileşü yaqlı yullar belän tiz arada xäl itelüen yaqlawıbız, ayıruça Ärmänstannıñ üzenä suzılğan tınıçlıq qulın forsat bularaq qullanuınıñ, utnı tuqtatunı tulısınça ütäwneñ häm xezmättäşlek êçendä buluınıñ möhimlege belderelde”, - dip äytelde.

Cıyılışta quzğatılğan möhim mäs’älälär arasında iq’tisadnıñ da buluına basım yasalğan beldergedä: "Törkiyä tözegän nıq asqorma östendä, maqsatlarına yaraşlı räweştä kapital salu, citeşterü, êş belän täêmin itü häm êksportka nigezlängän iq’tisad säyäsätlären tormışqa aşıru barışında oçraşılğan häm oçraşırğa mömkin sınawlar belän qurqınıçlar bäyälände, Törkiyä Cömhüriyäteneñ 2023nçe yıldağı 100 yıllığına här ölkädä bulğanı kebek iq’tisadi bularaq ta köçle räweştä barıp citü qatğıylığı raslandı”, - dip äytelde.