Törkiyä Tışqı êşlär ministrı Çavuşoğlu Jenevada
Törkiyä Tışqı êşlär ministrı Mäwlüt Çavuşoğlu Berläşkän Millätlär Oyışması Śivilizaśiyälär ittifaqınıñ Jeneva ofisın açu tantanasında qatnaşu öçen Şveyśariyanıñ Jeneva qalasında
Çavuşoğlu, açılış tantanasında Jeneva ofisınıñ açıluınıñ Śivilizaśiyälär ittifaqı (Цивилизацияләр иттифакы) öçen borılış noqtası buluın belderep: "Bu ofis ittifaqıbıznıñ BMO keşe xoquqları oyışmaları belän bağlanışların köçäytäçäk”, - dip äytte.
Mäwlüt Çavuşoğlu, ksenofobiya, rasaçılıq, antiislamizm häm näfrät cinayät’läreneñ artuına iğ’tibarnı yünältep: "Kapital, mäğ’lümat häm qıymmätlär bügen globalläşä, läkin näfrät, qurqular häm tüzmäwçelek tä şuşılay uq. Bez kürgän çaralarnı täêsirle ğamälgä äyländersäk, Śivilizaśiyälär ittifaqı 21nçe ğasırnıñ tınıçlıq proyektı bula ala”, - dip belderde.
Çavuşoğlu Śivilizaśiyälär ittifaqınıñ maqsatlarına ireşä aluı öçen xalıqara cämäğätçelekneñ yärdämenä ixtıyac buluın da iskärtep uzdı.
Şul arada İspaniya häm Yuğarı wäkil Miguel Moratinos belän İstanbulda töbäk ofisı açıluı mäs’äläsendä kileşügä ireşelüen citkerüçe Çavuşoğlu: "Säyäsi häm finans yaqtan öleş kertüebezne däwam itäçäkbez. Härkemne, bigräk tä duslıq törkemen dä şuşılay êşlärgä çaqırabız”, - dip äytte.
Şul uq waqıtta ministr Çavuşoğlu säfäre qısalarında İspaniya tışqı êşlär ministrı Jose Manuel Albares belän küreşep söyläşte.
Söyläşü belän bäyle bularaq “Twitter” akkauntınnan urtaqlaşuçı Çavuşoğlu: "Albares belän Änkarada oyıştırılaçaq 7nçe Törkiyä-İspaniya xökümätlärara sammitğa äzerlänüne qarap çıqtıq”, - dip yazdı.
Çavuşoğlu annan soñ Bötendönya sälamätlek saqlaw oyışması ğomum direktorı Tedros Adhanom Ghebreyesus belän küreşte.
Oçraşu turında media akkauntınnan belderü yasawçı ministr Çavuşoğlu: “Bötendönya sälamätlek saqlaw oyışması ğomum direktorı belän xezmättäşlek proyektların qarap çıqtıq. Bötendönya sälamätlek saqlaw oyışmasınıñ pandemiya (Kovid-19) belän köräş alıp baruına yaqlawıbız däwam itäçäk”, - dip äytte.
