"Törkiyä - milli keremnärenä qarağanda dönyada iñ küp yärdäm kürsätkän il"

Törkiyä soñğı 4 yılda milli keremnärenä qarağanda dönyada iñ küp yärdäm kürsätkän il buldı.

Bu xaqta Törkiyä êçke êşlär ministrı Söläyman Soylu Kızılcahamamda yasağan çığışında citkerde.

Ul üz çığışında tormışnıñ könnän kön qatlawlana baruın, şähärlär, däwlätlär , ixtıyaclar , ömetlär  häm yanaw-qurqınıçlar arta barğan dönyanıñ yılmayulı yözgä, añlayışqa, ğadilek, yaxşı niyät häm êşne ciñeläytüçe keşelärgä moxtac buluın belderde.  

Söläyman Soylu bu mäs’älädä Törkiyäneñ üzennän öleş kertergä tırışuın belderep: “Bez ilebezdä ülemnän qaçıp kilgän millionlağan keşene qabul ittek.  Kem närsä gena dimäsen, ,awırlıqları häm çığımnarı bulsa da, bezneñ vöcdanıbız başqa törle êşlärgä röxsät birmi”, - dide.

Söläyman Soylu global’ gumanitar yärdäm xisabı buyınça, Törkiyäneñ soñğı 4 yılda milli keremenä poroporśional’ räweştä dönyada iñ küp yärdäm kürsätkän il buluın belderep,” Bu bezneñ finans köçe belän genä bäyle tügel, bu bezneñ köçebez belän bergä keşelek sıyfatlarıbız belän dä bäyle” dide.