Törkiyä 8 meň 585 çit il terrorçısın deportaśiyäläde

Törkiyä 2011 nçe yıldan xäzergä qadär 8 meň 585 çit il terrorçısın deportaśiyäläde.

Bu xaqta êçke êşlär ministrlığı xäbär itä.

Anda äytelgänçä, üz illärennän “PKK/PYD” häm “DEAŞ” kebek terror oyışmalarına quşılu öçen kilgän çit il terrorçıların  illärenä tapşıru êşçänlekläre  däwam itä.

Süriyädä watandaşlar suğışı başlanğan 2011 nçe yıldan başlap xäzergä qadär Törkiyädän 102 törle millättän 8 meň 585 terrorçı cibärelgän.

Êçke êşlär ministrlığı belderüendä Awrupa Berlege äğ’zası illärgä küp sanda terrorçınıň kire cibärelüe, 2011 nçe yıldan birle Amerika Quşma Ştatları watandaşı bulğan 44 terrorçı, Awrupa Berlege illäre watandaşları bulğan  1 meň 75 terrorçınıň Törkiyädän illärenä deportaśiyälänüe äytelä.

Soňğı 3 yılda Törkiyädän iň küp deportaśiyälängän çit il terrorçıları isemlegenä küz salğanda iň baştağı  8 urında Franśiya, Germaniya, Niderland, Bel’giya, Finlyandiya , Şveśiya , Rumıniya häm Angliyanıň  toruın küräbez.