Törkiyä V'yetnamğa vakśina cibäräçäk

Törkiyä sälamätlek saqlaw tarmağındağı kileşü nigezendä V’yetnamğa koronavirus kizüenä qarşı  200 meñ doza vakśina cibäräçäk. İlbaşı kiñäşçese Fuat Oktay bu xaqta V’yetnam xökümäte räise Fam Min’ Çin’ belän telefon aşa söyläşte. Anda ike däwlät arasındağı säwdä, sänäğat’, turizm häm Fätxullaxçı terrorçı oyışması belän köräş mäs’äläläre qaraldı.  

Oktay Kovid-19 kizüe çorında dön’yanıñ bik küp däwlätenä yärdäm itülären belderde. Ul V’yetnamğa 200 meñ doza vakśina, 10 üpkä ventilyatorı, 10 awıru monitorı, 20 meñ N95 bitlege, 4 meñ mediśina kombinezonı, 100 meñ PŚR testı komplektı häm maxsus çistartu sıyıqçaları cibäreläçägen äytte.

Oktay illär arasında irekle säwdä kileşüe tözelüneñ ike yaq öçen dä faydalı bulaçağın uylawların belderde.