Törkiyägä Angliya turistları ağılaçaqmı?

Törkiyägä kiläçäk Angliyä watandaşlarınıñ 3 ayda yaqınça 200 meñ tiräse buluı kötelä. Bügennän älege il Törkiyäne qızıl isemlektän çığardı. Moña qadär Angliyä turistlarına yal itep qaytqannan soñ qunaqxanädä 2 atna mäcbüri karantin uzarğa kiräk bula ide.

Törkiyä säyäxät agentlıqları berlege räise Firuz Bağlıkaya Anadolu agentlığına interv’yusında bolay dide: “Angliyädän Törkiyäne sağınuçı häm ilebezdä yal itärgä teläwçe bik küp mösafirıbız bu qaranı kötä ide”.

“Jet2 Holidays” şirkäte 23nçe sentyabr’dän Dalaman häm Antaliyägä oçışların başlıy. Turizmçılar Törkiyäne qızıl isemlektän çığaru qararınıñ tarmaqqa uñay yoğıntı yasayaçağın kötä.

“Angliyädä oktyabr’dä mäktäplärdä kanikul bula. Şul säbäple balalı ğailälärdän oktyabr’ ayında ilebezgä kilü öçen soraw zur,”-di Firuz Bağlıkaya. Älege qısalarda 22 nçe sentyabr’dän soñ 3 ay êçendä yaqınça 200 meñ Angliya watandaşınıñ Törkiyägä yal itärgä kilüe küzallana.