İstanbul hawa mäydanı – “Yıl aêroportı” bülägenä layıq buldı

İstanbul hawa mäydanı êşlätüçese İGAdan yasalğan belderügä kürä, İstanbul aêroportı xalıqara mäydanda büläklär qazanırğa däwam itä.

Yış säyäxät itüçe, dönyadağı hawa mäydannarı mäs’äläsendä qaraşlarına möräcäğät itelgän, säyäxät häm yäşäw urını forsatların üz täcribäläre belän belüçelärgä barıp ireşkän “Air Transport News”nıñ här yıl oyıştırğan “2021 Air Transport Awards” bülägeneñ bıyılğısın İstanbul aêroportı yawladı.

Büläkne Greśiya başqalası Afinada ütkärelgän "Summer Aviation Forum"da İGA hawa mäydanı planlaştırudan cawaplı ğomum mödir urınbasarı İsmail Hakkı Polat aldı.

Polat mäs’älä belän bäyle bäyäläwendä yaña tör koronavirus (Kovid-19) kizüenä qaramastan operaśiyälärne problemasız räweştä däwam itterä aluların äytep uzdı.

Bu barışta investiśiyälären tuqtatmawların häm yaña hawa yulların da üzlärenä quşırğa däwam itülären iskärtep uzuçı Polat: "Bez alğan xalıqara sertifikat häm büläklär belän uñışıbıznı tögäl isbatladıq. Tağın ber xalıqara büläkkä layıq bulğanıbız öçen bez bik şat”, - dip äytte.

İstanbul hawa mäydanı 2020nçe yılda Xalıqara hawa mäydannarı şurası (Airports Council International) aêroport sälamätlek akreditaśiyäläwe programmasına quşılğan dönyadağı berençe aêroport buluı belän bergä bıyıl da hawa mäydannarı arasında liderlıq ürnägen kürsätep, yañadan akreditaśiyälängän berençe aêroport bulğan ide.