DEAŞ - nindi xätär buluın tağın kürsätte

Törkiyä ilbaşı Räcäp Tayyip Ärdoğan Bosniya-Gerśegovinağa säfärennän alda İstanbulnıñ Atatörek aêroportında matbuğat oçraşuında çığış yasadı.  

“Kiçä Qabulda bulğan ul fälakätne, ul kiñ külämle terrorçı höcümen millätebez belän ğayeplibez, xurlıybız. DEAŞnıñ mondıy prośess êçendä bu adımnı yasawı regionda häm dön’yada nindi xätär oyışma buluın kürsätä,”-dide ul.

Ärdoğan Äfğanstanda xezmät itkän Törkiyä qorallı köçläre äğ’zalarınıñ êvakuaśiyäse däwam itüen belderde häm bu êşneñ tiz arada tögällänäçägen ışandırdı.

İlbaşı Taliban belän söyläşü mäs’äläsendä bolay dide: “Bezneñ kem belän, qayçan, qayda, närsä söyläşüebez öçen kemnänder röxsät alu şikelle burıçıbız yuq”. Ul Talibannıñ Qabul aêroportın êşlätü mäs’äläsendä täq’dimnäre barlığın, ämma bu xaqta älegä qarar çığarılmawın citkerde.

Ärdoğan Germaniyäneñ Törkiyä belän êşläw täq’dimeneñ soñğa qalınğan qarar buluın belderep: “Härkem Äfğanstannı taşlap kitkändä, bez kitmädek,”-dide.

Törkiyä ilbaşı, êçke êşlär ministrlığında terkälgän kürsätkeçlärgä nigezlänep, ildä xäzerge waqıtta Äfğanstannan kilgän migrant sanınıñ 300 meñ buluın äytte.