“Törkiyä 2022nçe yılnıñ iñ populyar yal urını"
Böyekbritaniyälelärneñ kübese kiläse yılda Törkiyädä yal itärgä teli
Angliyäneñ ähämiyätle hawa yulı şirkäte häm turoperatorı EasyJet böyekbritaniyälelärneñ kiläse yıl öçen iñ kübe Törkiyägä bron’ aluların belderde. Bu xaqta oyışmanıñ satu öçen cawaplısı Bred Bennets “Travel Weekly” jurnalına reportajında söyläde. Anıñ äytüençä, 2022nçe yılğı yal sezonına bron’laştırular xäzerdän ük başlandı.
“Bigräk tä, Antaliyägä östenlek birälär,”-di Bennetts.
Yallarnı bron’laştıruda Törkiyädän soñ Portugaliyäneñ Algarve töbäge belän İspaniyäneñ Mayorka utrawı kilä. Kübräk 4 yoldızlı “barısı da kergän” qunaqxanälärgä östenlek birelä.
Angliyäneñ “The Sun” gazetı da “Törkiyä 2022nçe yılnıñ iñ populyr yal noqtası” başçası belän xäbär çığardı.
Törkiyägä koromavirusqa qadärge 2019nçı yılda Böyekbritaniyädän 2 million 562 meñ turist kilgän ide.
