Çavuşoğlu wazıyfadaşları belän Äfğanstan turında söyläşte

Törkiyä tışqı êşlär ministrı Mäwlet Çavuşoğlu AQŞ däwlät särqatibe Êntoni Blinken, Katar tışqı êşlär ministrı Möxämmät bin Abderraxman Al Sani, Xorvatiya tışqı êşlär häm Awrupa êşläre ministrı Gordan Grlik Radman belän ayırım-ayırım telefonnan söyläşte.

Ministrlıqtan belderülärençä, Çavuşoğlu häm wazıyfadaşları arasındağı äñgämälärdä töp tema Äfğanstan ide.

AQŞ belän Taliban arasında 2020nçe yılnıñ fevralendä tözelgän kileşü qısalarında, xalıqara köçlärneñ älege ildän çığu prośessı başlandı.

Kileşü çit il köçlärenä höcüm itmäwne küzallıy.

Taliban ber yaqtan Äfğanstan xökümäte belän Katardağı söyläşülärne däwam itterde, şul uq waqıtta iyün’ ayınnan başlap köçle höcümnär belän ilneñ bik küp töbägen tiz arada qulına töşerde.

Taliban başqala Qabulnı basıp aldı, ilbaşı Äşräf Gani ilne taşlap kitte häm xökümät köçläre qaladan çıqtı. İl tulısınça Taliban qulına qaldı.