Putin Ärdoğanğa qayğınamä yulladı

Rusiyä däwlät başlığı Vladimir Putin Törkiyä ilbaşı Räcäp Tayyip Ärdoğanğa Kahtamanmaraşta Be-200 törendäge oçqıçnıñ kilep töşüe arqasında qayğınamä yulladı.

Kreml’dan yasalğan açıqlawğa kürä Putin Ärdoğanğa Kahramanmaraşta Urman xucalığı mödirlege xezmätendä qullanılğan yanğın sünderü oçqıçınıñ töşüe belän bäyle telegramma cibärde.

Putin yullamasında rus häm töreklärneñ Törkiyädäge urman yanğınnarı belän bergä köräşüenä işarät itep: “Yuğaltular bezne berläşterä. Ülüçelärneñ ğailäläre häm yaqınnarınıñ qayğısı belän urtaqlaşam. Alarğa bu awır waqıtta sabırlıq telim,” – dide.

Putinnıñ qazada ğomere özelgän rus ğaskärilärneñ yaqınnarınıñ da qayğısı belän urtaqlaşuı belderelde. Bu ğaskärilärgä premiya tapşırırğa ämer birde.

Urman xucalığı ğomüm mödirlege tarafınnan Rusiyädä arendalanğan häm Adana Urman xucalığı mödirlege xezmätendä qullanılğan yanğın sünderü oçqıçı Kahramanmaraştağı urman yanğının sündergän waqıtta töşte, qazada oçqıç êkipajında bulğan 5 rus häm 3 törek yaqtı dön’yadan kitte.