Ärdoğan Amerikağa yul tota
Ul 193 däwlätneñ xökümät häm il citäkçeläre belän bergä N’yu-York şähärendä BMOnıñ 79nçı ğomum şuras utırışında qatnaşaçaq
Törkiyä ilbaşı Räcäp Tayyip Ärdoğan 21nçe sentyabr’dän 26sına qadär Amerika Quşma Ştatlarına säfär yasıy. Ul 193 däwlätneñ xökümät häm il citäkçeläre belän bergä N’yu-York şähärendä BMOnıñ 79nçı ğomum şuras utırışında qatnaşaçaq.
Ärdoğannıñ 24nçe sentyabr’dä BMO tribunasınnan 14nçe tapqır möräcäğat’ itüe kötelä. Ul üz çığışında tağın ber tapqır global’ ğadelsezlekkä basım yasarğa, Berläşkän Millätlär Oyışmasınıñ qabat formalaştırıluı kiräklegen assızıqlarğa cıyına.
İlbaşı Ärdoğan N’yu-Yorkta tığız diplomatik êşçänlek tä alıp baraçaq, dön’ya liderları belän qara-qarşı oçraşular uzdıraçaq. Monnan tış, anıñ êşmäkärlär belän dä küreşep söyläşüe planlaştırıla. Zur şirkätlärneñ yuğarı däräcäle idaräçeläre belän Törkiyägä investiśiyä mömkinlekläre häm säwdä äyläneşen arttıru mömkinlekläre qaralaçaq.
