Ärdoğan: “Törkiyä böten mömkinlekläre belän Azärbaycannıñ yanında”

Ärdoğan Azärbaycan Milli Mäclesenä möräcäğätendä: "Qavqazlardağı tınıçlıq häm xozur barı tik Azärbaycan öçen genä tügel, Ärmänstan belän bergä böten töbäk illäre, dönya öçen dä tabışlı bulaçaq. Daimi tınıçlıqqa baruçı yulnıñ töbäktäge böten xalıqlarnıñ, däwlätlärneñ ike yaqlı ışanıç nigezendä üstergän xezmättäşlektän uzğanına ışanam”, - dip äytte.

İlbaşı Ärdoğan: "Bez bügen böten mömkinleklärebez belän Azärbaycannıñ yanında. Böten dönya şunı belsen ki, irtägä dä yanında toraçaqbız”, - dip belderde.

"Yalğan gäyeplär belän törek millätenä yala yağuçılar başta Qavqazğa, Azärbaycanğa qarasın,” – dip äytüçe Räcäp Tayyip Ärdoğan: "Annarı, alarnıñ vöcdanı röxsät itsä, bez alar belän gäyepläwlärne ayırım qarap çığarbız. Śivilizaśiya belän vandalizm arasındağı ayırmanı kürergä teläwçelär Qarabaxqa kilep ike çor arasındağı ayırmanı kürsen”, - dip iskärtep uzdı.

İlbaşı Ärdoğan bıyıl Azärbaycannıñ mädäniyät başqalası bulğan Şuşanı kiläse yılda da “Törki dönya mädäniyät başqalası” bularaq kürüdän şat bulaçaqların citkerde.

Naxçıvan belän Baqı arasında salınaçaq Zängäzur yulı belän bäyle bularaq Ärdoğan Zängäzur koridorındağı timer yulı belän ärmännärneñ dä Mäskäwgä häm dönyağa qulay ğına bara alaçağın, bu räweşle üz-üzlärenä qullanğan qamawdan qotıla alaçaqların iskärtep uzdı.

İlbaşı Ärdoğan: "Ärmänstan Azärbaycan belän problemaların xäl itkän oçraqta Törkiyä bularaq bez dä kiräkle adımnarnı yasayaçaqbız,” – dip äytte.

İlbaşı Ärdoğan Azärbaycan parlamentına möräcäğätennän soñ, başqala Baqıdağı törek häm azärbaycan şähitlegenä barıp, şähit qaberlärenä qanäfer çäçäklären saldı, doğa qıldı.

Ärdoğan annan soñ Baqıda qalğan qunaqxanädä Azärbaycan wazıyfa törkemendäge xärbilärne qabul itte.