Çavuşoğlu: “Ğazzädä bulğannardan İzrail cawaplı”

Çavuşoğlu Berläşkän Millätlär Oyışması Ğomum Şurasında oyıştırılğan Fälästin utırışında çığış yasadı.

Fälästindä ozaq yıllar buyı drama yäşänüen belderüçe Çavuşoğlu: "Ğazzädä grajdanlıq binalar, mäktäplär häm xastaxanälär tämek itep alındı. Bu agressiv ğamällär xärbi cinayät bulıp sanala. Cinayätne qıluçını bilgelärgä tiyeşbez, bügen Qudüstä, Yordannıñ Könbatış üzänlegendä häm Ğazzädä yäşängännärdän berdänber cawaplı buluçı İzrail”, - dip äytte.

İzrail agressiyasın tänqitläwçelärneñ anti-semitizm belän gäyeplänüen iskärtep uzuçı Çavuşoğlu: "1947nçe yıldan birle İzrail Fälästin cirlären tartıp ala. İzrail yasağan cinayätlärdän cawaplı totılırğa tiyeş. Başqarıluı zarur – İzrailneñ qamawın beterü. Höcümnärne tuqtatu öçen çaralar kürü waqıtı citte. Fälästin tınıç xalqı öçen xalıqara saqlaw buldırılırğa tiyeş”, - dip belderde.

Ğadelsezlekkä tawışsız qalunıñ yasalğan cinayätkä urtaq bulu belän ber ük närsä buluına basım yasawçı Çavuşoğlu: “Xaqsızlıq aldında tınıp qaluçı – telsez şaytandır. İzrailneñ Ğazzägä qarata qamawı - bu cirlärne dönyanıñ iñ zur öste açıq törmäsenä äyländerde”, - dip äytte.