Çavuşoğlu Üzbäkstan wazıyfadaşı belän oçraştı
Törkiyä Tışqı êşlär ministrı Mäwlüt Çavuşoğlu Üzbäkstan tışqı êşlär ministrı Abdulaziz Qamilov belän küreşep söyläşte
Başqala Taşkentta ike il tışqı êşlär ministrlıqlarınıñ wäkilleklärara söyläşülärdä Törkiyä belän Üzbäkstan arasındağı Yuğarı däräcäle strategik xezmättäşlek şurası turında süz bardı.
Çavuşoğlu wäkilleklärara söyläşülär aldınnan yasağan çığışında, Taşkentqa kitär aldınnan säfäreneñ mädäniyät öleşendä Hivägä häm Sämärqandqa barıp Törkiyäneñ Sämärqand Baş konsullığın açuların assızıqlap, şuşı säfärlärendä üzlären yalğız qaldırmağan Qamilovqa räxmäten citkerde.
Bügen Urtaq strategik planlaştıru törkeme cıyılışın uzdıraçaqların belderüçe Çavuşoğlu: "Yuğarı däräcäle strategik xezmättäşlek şurasınıñ ikençe cıyılışına äzerleklärne başlatıp, berence sammitta qabul itelgän qararlarnıñ häm bez qul quyğan kileşülärneñ ütälüen dä küzätäçäkbez. Törki Şura, Äfganstan häm başqa regional’ mäs’älälärne dä qarap çığaçaqbız”, - dip äytte.
Qamilov ta maqsatlarınıñ ike il arasındağı strategik xezmättäşlekne arttıru buluın äytte.
Qamilov Çavuşoğlunı İlbaşı Şäwkät Mirziyoyevneñ qabul itäçägen, soñınnan Baş ministr urınbasarı, İnvestiśiyälär häm tışqı säwdä ministrı Sardor Umurzakov belän oçraşaçağın belderde.
