“Törkiyä belän AQŞ ike yaqlı ixtiram nigezendä mäs’älälärne xäl itä alaçaq”

“TRT Xäbär” kanalınıñ turıdan-turı êfirında qatnaşıp, sorawlarğa cawap birüçe Qalın Djo Bayden citäkçelegeneñ küp sanda yaña wäğdä belän kilüen häm Donal’d Tramp çorınnan soñ yaña adımnar yasayaçaqların äytüen belderde.

Qalın uzğan atnada Baydennıñ Milli iminlek kiñäşçese Djeyk Sallivan belän telefonnan söyläşüen häm bäxäsle mäs’älälärne quzğatuların äytte.

“YPG” häm “PYD”gä kürsätelgän yärdämneñ, ayıruça “FETÖ Fätullahçı” terror oyışmasınıñ Amerika Quşma Ştatlarındağı êşçänlegenä küz yomıluınıñ Törkiyä cähätennän milli iminlek mäs’äläse buluına basım yasawçı Qalın Törkiyäneñ qatğıy torışı näticäsendä Süriyäneñ tön’yağında AQŞ häm başqa illärneñ yärdäme belän “PYD” häm “YPG”neñ kontrolendä terror koridorınıñ oyışuınıñ totqarlanuın assızıqladı.

İbrahim Qalın Törkiyä belän Amerika Quşma Ştatlarınıñ ike yaqlı ixtiram nigezenä qarap mäs’älälärne xäl itä alaçağın belderde.