Törkiyä İlbaşı Ärdoğan: “Böyek häm köçle Törkiyäne tözüne däwam itäbez”
Törkiyä İlbaşı Räcäp Tayyip Ärdoğan böyek häm köçle Törkiyäne tözüne däwam itülären belderde
![Törkiyä İlbaşı Ärdoğan: “Böyek häm köçle Törkiyäne tözüne däwam itäbez”](http://cdn.trt.net.tr/images/xlarge/rectangle/dbdf/3413/5bf0/6002d21879ef1.jpg?time=1718790595)
Törkiyä Däwlät başlığı häm “Ğadälät wä qalqınu” partiyası Ğomum başlığı Ärdoğan “Aq” partiyanıñ 7nçe çirattağı Sakariya, Yalova, Kırklaräli, Ädirnä häm Çanakkalä vilayät kongresslarında İlbaşı qolliyätennän turıdan-turı êlemtä belän qatnaştı.
Çığışında: “1000 yıl buyı bez yäşägän şuşı cirlärdä ireşkän här qazanışnıñ artında millionnarnıñ xezmäte häm täwäkkällege, millionnarnıñ qanı bar”, - dip äytüçe Ärdoğan: “1000 yıl uzsa da bezgä bu watannı kileştermäwçelärneñ, bezgä bu watannı küp dip kürüçelärneñ buluın beläbez”, - dip belderde.
Törkiyäne demokratiyada häm iq’tisadta kürmäs öçen küzlären yomuçılarnıñ, qolaqların yabuçılarnıñ, yöräklären qarañğılatuçılarnıñ buluına da basım yasawçı Ärdoğan: ““Aq” partiyanıñ bügen Törkiyäneñ 81 vilayätendä, 1389 cirle xakimiyäteneñ, 42 meñ mäxällä häm awılınıñ iskärmäsez här urınında investiśiyälärneñ buluı çınbarlığın yäşerergä tırışuçılarnı da beläbez”, - dip äytte.
Ärdoğan böyek häm köçle Törkiyäne tözüne däwam itülären assızıqlap äytep uzdı.