Putin Ärdoğannı Yaña yıl belän qotladı
Ul ike aradağı xezmättäşlekneñ däwam itäçägenä ışanuın belderde
Rusiyä däwlät başlığı Vladimir Putin kiläse yıl Mäskäw häm Änkaranıñ Awraziya iminlege häm totrıqlılığın köçäytü öçen xezmättäşlegen däwam itäçägenä ışanuın belderde.
Kreml’dän yasalğan belderügä qarağanda, Putin ilbaşı Räcäp Tayyip Ärdoğanğa Yaña yıl belän qotlaw cibärde. Ul täbriknamädä Rusiyä-Törkiyä mönäsäbätläreneñ barlıq töp mäydannarda üseşennän qanäğat’ qaluın belderde. Putin, awır sälamätlek häm êpidemiologik wäzğıyät’kä qaramastan, mäğ’näle säyäsi dialognıñ däwam itüen, ênergetikada ähämiyätle urtaq proyektlarnıñ sistematik bularaq tormışqa aşırıluın, xärbi-texnik, säwdä-iq’tisadi häm başqa ölkälärdä xezmättäşlekne yuğarı däräcädä saqlanuın assızıqladı.
“Kiläse yılda Mäskäw häm Änkaranıñ Awraziyada iminlek häm totrıqlılıqnı köçäytü öçen rus häm törek xalıqlarınıñ mänfäğat’lären tulısınça qanäğat’länderäçäk räweştä ikeyaqlı, regional’ häm xalıqara kön üzägendäge mäs’älälärdä êffektiv xezmättäşlek itäçäklärenä ışanam,”-di Putin üzeneñ qotlawnamäsendä.
Bäyläneşle xäbärlär
Ärdoğan Äliyev (Әлиев) belän bäyrämläşte
Törkiyä İlbaşı Räcäp Tayyip Ärdoğan Azärbaycan Däwlät başlığı İlham Äliyev (Әлиев) belän bäyrämläşte
Törkiyä zäñgär bayraqta dönya öçençese
Törkiyä zäñgär bayraqlı plyaj sanı belän dönyada öçençe urında